g11n (galeguización)

A respeito da tradución da interface de aplicativos que empregan formatos propios para os seus ficheiros de localización -así como da documentación distribuida en formatos estructurados como HTML e outros- existe a posibilidade de facela mediante un proceso de conversión bidireccional que consiste en extraer as cadeas textuais do formato orixinal dispoñéndoas en ficheiros estructurados nun formato estándar de localización que, á súa vez, son convertidos de volta ao formato orixinal unha vez traducidos.

Esta aproximación ao problema ten a vantaxe de que permitiría simplificar a descrición do proceso de tradución -rebaixando a barreira de entrada e facilitando así as novas incorporacións- mais tería a desavantaxe de engadir procesos adicionais de conversión e verificación coa consecuente carga de traballo que iso supón para os perfís de revisión e remisión.

Compriría avaliar esta posibilidade, en base a ferramentas xa existentes, para poder fornecer instrucións sinxelas ás personas que a traverso desta plataforma se están ofrecendo a colaborar no traballo de galeguización, e con ese propósito deixo aberto este fío.

Para exemplificar esta necesidade, nada mellor que unha mostra real: a da que será a web informativa da primeira versión pública do Fennec, o Firefox para dispositivos moveis.

http://repositorio.g11n.net/l10n/recurs ... ec_web.tgz

Para HTML coñezo dúas ferramentas que fan conversión a gettext, que é un dos formatos estendidos dentro do SL.

• html2po, do Translate Toolkit
• po4a-translate / po4a-gettextize

Estiven facendo algunhas probas usando como mostra un dos ficheiros do paquete que ligas. Penso que o que ofrece mellores resultados é po4a, aínda que habería que facer máis probas.

Subín os resultados a http://repositorio.g11n.net/tmp/probas-html.tar.gz (as traducións non son reais, só para cubrir ocos).

• mobile/sms-thanks.html: documento orixinal que queremos traducir
• po4a.po: ficheiro PO xerado mediante po4a
• po4a.html: ficheiro HTML final traducido (po4a)
• translate-toolkit.po: ficheiro PO xerado mediante html2po
• translate-toolkit.html: ficheiro HTML final traducido (po2html)
• sms-thanks.txt: cadeas existentes no documento orixinal.

As ordes empregadas foron

Código: Seleccionalo todo

html2po -i mobile/sms-thanks.html -o sms.po
po2html -t mobile/sms-thanks.html -i sms.po -o sms.html

po4a-gettextize -f xhtml -m mobile/sms-thanks.html -p po4a.po
po4a-translate -f xhtml -m mobile/sms-thanks.html -p po4a.po -l po4a.html


Outra posibilidade sería usar Open-Language-Tools, desta vez facendo a conversión intermedia a XLIFF (e non PO), se non lembro mal, e usando o seu editor XLIFF (ou calquera outro) para facer a tradución.

As vantaxes deste sistema son claras: permite usar para este tipo de formatos as ferramentas que se usan para o resto de traducións, aforra problemas aos tradutores sen coñecementos destes formatos, etc. Porén, tamén son claras as desvantaxes: esixe unha verificación das saídas dos programas de conversión (toda conversión é susceptíbel de erro).

roebek escribiu:As vantaxes deste sistema son claras: permite usar para este tipo de formatos as ferramentas que se usan para o resto de traducións, aforra problemas aos tradutores sen coñecementos destes formatos, etc. Porén, tamén son claras as desvantaxes: esixe unha verificación das saídas dos programas de conversión (toda conversión é susceptíbel de erro).

O Translate ToolKit apresenta vários problemas nestas verificaçons de ida e volta (round trips) que resultam em perdas frequentes de informaçom. Nom tenho experimentado muito com ficheiros HTML, mas todo o relacionado com XLIFF, PO, TMX e TBX apresenta diversos problemas de gestom de (re)conversom. Um exemplo claro é a falta de suporte dos "msgctxt" dos ficheiros PO ou o tratamento dos escapes (\n, \t etc.).

Representam alias umha carga extra de trabalho para a parte de administraçom de um fluxo de traduçom, mas tem umha tendência menor a erros precisamente por separar a fase de preparaçom dos materiais da de trabalho de traduçom clássico (na manipulaçom das cabeceiras dos ficheiros PO, por exemplo).

roebek escribiu:Outra posibilidade sería usar Open-Language-Tools, desta vez facendo a conversión intermedia a XLIFF (e non PO), se non lembro mal, e usando o seu editor XLIFF (ou calquera outro) para facer a tradución.

Sim, continua a ser umha excepçom no ámbito do SL de editor nativo XLIFF. Porém, última versom das OLT, infelizmente, suportam incorrectamente os filtros originais. O desenvolvimento recente foi orientado à compatibilidade co Translate Toolkit (o desenvolvedor actual integrou-se no projecto para melhorar a compatibilidade entre o Pootle e as OLT) e os filtros levam tempo sem ser actualizados.

Outra possibilidade, neste caso dos HTML que estamos a falar, é utilizar o OmegaT; visto que suporta este formato e nom precisa (re)conversons (manexa-as internamente). Tem a vantagem de poder incluír um dicionário hunspell em galego, glossários (num formato próprio em texto simples) e suportar TMX. Porém, a interface e o modo de trabalho nom som, talvez, os mais indicados para a traduçom de software, mas sim para a documentaçom em geral.

Basicamente, acho que as opçons continuam a ser as mesmas que as apresentadas no Manual derivado do G11n, com pequenas actualizaçons:
- O TTK e o Virtaal estám a ser actualizados constantemente
- As OLT já podem trabalhar com dicionários hunspell (se devidamente configurados)
etc.

roebek escribiu:Para HTML coñezo dúas ferramentas que fan conversión a gettext, que é un dos formatos estendidos dentro do SL.

• html2po, do Translate Toolkit
• po4a-translate / po4a-gettextize

roebek escribiu:Outra posibilidade sería usar Open-Language-Tools, desta vez facendo a conversión intermedia a XLIFF (e non PO), se non lembro mal, e usando o seu editor XLIFF (ou calquera outro) para facer a tradución.

candorca escribiu:Outra possibilidade, neste caso dos HTML que estamos a falar, é utilizar o OmegaT; visto que suporta este formato e nom precisa (re)conversons (manexa-as internamente). Tem a vantagem de poder incluír um dicionário hunspell em galego, glossários (num formato próprio em texto simples) e suportar TMX. Porém, a interface e o modo de trabalho nom som, talvez, os mais indicados para a traduçom de software, mas sim para a documentaçom em geral.

candorca escribiu:Basicamente, acho que as opçons continuam a ser as mesmas que as apresentadas no Manual derivado do G11n, com pequenas actualizaçons:
- O TTK e o Virtaal estám a ser actualizados constantemente
- As OLT já podem trabalhar com dicionários hunspell (se devidamente configurados)
etc.

Grazas polas vosas valoracións; resumen moitas horas de investigación e de experiencia, e o feito de que veñades compartilo é algo que penso que compre recoñecer. Ante todo pois: o meu agradecemento pola vosa achega.

Durante estes días estiven a probar as opcións que sinalades así como outras tamén empregadas na área da tradución en desconetado. Despois de probalas e tras revisar a documentación e as postas en común qu sobre aplicativos de tradución tiveron lugar nos últimos anos vexo que unha delas destaca entre as demais por reunir estas características:

• Permite traducir cun único aplicativo as interfazes e/ ou a documentación
  tanto nos proxectos grandes (como oo.org, mozilla ou gnome) nos que xa traballamos como nos pequenos que se vaian sumando á plataforma.
• Como está baseado en Java trátase dun aplicativo multiplaforma, que funciona en Linux, Windows, OSX e demais.
• As dúas características anteriores permiten documentar todo o proceso de tradución off-line nun único documento o que non só reduce o esforzo -e o tempo- necesario para elaboralo senón que, sobre sobre, todo facilitará a labor de iniciar á nova xente e resolverlles os problemas que teñan ao principio.
• Intégrase perfectamente co método de galeguización, pois non só permite importar as memorias de tradución senón que xenera automáticamente novas memorias según se vai traducindo, garantindo así a reutilización e mellorando a homoxeneidade e a calidade das traducións. Por se fora pouco corrixe automáticamente a ortografía según se vai traducindo e vai amosando distintas opcións de tradución das palabras, xa que permite a incorporación dos glosarios existentes.
• Fornece unha API sinxela pero suficiente para engadir filtros novos sen grandes artificios, o que supón un grande potencial en combinación coas ferramentas de conversión tipo gettex.

Trátase da opción OmegaT+conversores que, a xulgar por todo o anterior, semella ser a opción mais adecuado para resolver a necesidade xa sinalada. Será esta por tanto a que eu tome como referencia para o traballo de galeguización que se apoie nesta plataforma en tanto non xurda outra opción mellor.

Outra: http://sourceforge.net/projects/xliffroundtrip/

Ola,

Alguén podería axudar? Estou tentando instalar rc2po e xliff2po en Ubuntu pero non encontra os paquetes. Por ex:

Código: Seleccionalo todo

sudo apt-get install rc2po

Ou sexa, que supoño que terei que engadir algunha liña (chámolle "fonte"?) ao sources.list (se é que iso non mudou nos 3 últimos anos). A dúbida é: como sei que liña teño que engadir? Onde encontro esa información?

Un saúdo e graciñas!

Olá,

rc2po é parte do Translate Toolkit, de maneira que para instalá-lo precisas adicionar o PPA do Launchpad para o TTK ou ben baixar as fontes e fazer um

Código: Seleccionalo todo

sudo python setup.py install

.

Para adicionar o PPA do TTK:

Código: Seleccionalo todo

sudo nano /etc/apt/sources.list

e engades as seguintes linhas para 9.10 (Karmic):

Código: Seleccionalo todo

# Translate Toolkit & Virtaal (+Pootle)
deb http://ppa.launchpad.net/translate.org.za/ppa/ubuntu karmic main
deb-src http://ppa.launchpad.net/translate.org.za/ppa/ubuntu karmic main

Se tes outra versom de Ubuntu basta com substituír

Código: Seleccionalo todo

karmic

polo nome correspondente, mas em caso de dúvida visita o sítio do PPA.

Umha vez que tenhas adicionado o PPA em tua sources.list, recarregas

Código: Seleccionalo todo

sudo apt-get update

e instalas o TTK enteiro com

Código: Seleccionalo todo

sudo apt-get install translate-toolkit

.

Se todo correu bem, deverias ter o rc2po accessível na linha de comandos.

De todos os modos, dá-lhe umha vista de olhos à lista de desenvolvimento do Translate-Toolkit, porque precisamente nestes dias estám mencionando certos problemas com essa conversom (ainda que seguramente estás a ver exactamente isso ).

Um saúdo.

Obrigadíssimo, candorca.

Esta mañá debía estar durmido, nin se me pasou pola cabeza instalar o ttk enteiro :)