g11n (galeguización)

xinelo escribiu:Pregúntome se a xente estará lendo estas cousas... Na lista chega todo pero no foro... eu que sei!

Igual isto che sirve de axuda para vencer a incertidume: se despregas o foro terminolóxico verás unha listaxe dos termos tratados. Nesa listaxe ao lado de cada termo aparecen o número de mensaxes publicadas nese fío e o número de veces que ese fío foi visitado. Mais lembra o que dicía o matemático árabe Ibn Tufail: que o número non te seduza

A miña dúbida era suscitada pola baixa participación... será que a xente aínda non volveu das ferias.

Por certo, o rexistro é moderado? Vin algún spam por aí... E tampouco estou moi seguro de quen é o administrador (ou administadores) dos foros. Está posto nalgún sitio?

Pido desculpas por todos os off-topics que se desparraman da mensaxe orixinal... ;)

xinelo escribiu:Por certo, o rexistro é moderado? Vin algún spam por aí... E tampouco estou moi seguro de quen é o administrador (ou administadores) dos foros. Está posto nalgún sitio?

Non, o rexistro é automático para facilitar a participación. Mesmo é posíbel participar en moitos dos fíos sen estar rexistrado. De cando en vez cólase algún spammer, aínda que procuramos estar atentos.

Sobre os administradores: podes velo na ligazón "O equipo" que hai na parte inferior das páxinas. Somos os que participamos inicialmente na posta en marcha da plataforma pero a idea é que se vaia incorporando máis xente segundo vaian asumindo responsabilidades.

xinelo escribiu:A miña dúbida era suscitada pola baixa participación... será que a xente aínda non volveu das ferias.

Supoño que o das ferias inflúe, mais eu penso que o nível de participación é o que cabe esperar nunha plataforma bastante especializada que ademais está dando os seus primeiros pasos... pero se apenas fai dous meses que nos puxemos a andar! En todo caso, mirando para os datos direiche que temos que ser optimistas: si te fixas hai mais de oitenta personas rexistradas -aparte hai xente que participa sen estar rexistrado-, neste tempo publicáronse xa cerca de duascentas mensaxes e prácticamente ábrese un novo fío cada dous días... a cousa vaise movendo e a participación vai incrementándose progresivamente.

Debemos deixar que o tempo vaia facendo o seu traballo e que a xente vaia animándose a participar, sen presas nin precipitacións. Ademais dende o principio plantexamos esto cunha clara vocación de longo prazo e de independencia institucional, e neste tipo de proxectos os inicios sempre son mais dilatados e compre falalo todo para evitar erros que despois poden ser difíciles de reparar.

Personalmente o mais gratificante é comprobar a calidade das achegas e sobre todo a boa disposición da xente que participa e pon o seu graíño de area para contribuir á viabilidade do noso idioma nesta sociedade tan informatizada. Se o esforzo empregado sirve para iso, penso que o esforzo terá merecido a pena. En calquera caso eu polo menos estouno desfrutando, e con eso polo momento teño bastante