g11n (galeguización)

Ola,

Hoxe instalei o paxaro treboento en galego por primeira vez. É un pracer velo en galego!

Con todo, vin algúns erros, pero creo que estaban só na páxina de introdución (mirando por encima non vin ningún nos menús). Erros como:

* este mensaxe
* frases sen puntos finais (que non sei se é problema da tradución, do orixinal, ou doutra cousa)
* grallas ortográficas (ou heterografías): escreba, selecione, ca (por coa), etc.

Será un pracer participar na tradución e/ou revisión da próxima remesa (en función do meu tempo).

Saúde,

Graciñas Xinelo por dar conta dos erros; poderías especificarme onde os atopaches, e qué alternativa proporías? Aproveito para dar nota duns erros detectados por Damufo na rolda de coordenación de Mozilla, que xunto eiquí para ter un sitio onde ir documentando os erros e telos centralizados:

Editar -> Copiar como cita
Tería que ser Colar (pegar) como cita

e tamén de Damufo:

Á marxe de que eu poría solicitude no canto de pedido (tamén penso que é
mais coherente co de "O remitente deste mensaxe solicitou..."), habería
que mudar o atallo e tamén no texto "este mensaxe" por "esta mensaxe"

Non sei niso que comenta Damufo sobre "solicitude/ pedido" cal sería a mellor solución, agradécense suxestións ao respeito.

Como dicía, vinos na páxina da introdución (a páxina que me apareceu nun novo separador ao lanzar o programa despois da actualización a galego). Para encontralos haberá que buscar, supoño, no repositorio de memorias de tradución, onde estará (ou debería estar) o ficheiro coas cadeas que aparecen nesa páxina de introdución que se mandou a Mozilla.

Non propoño ningunha alternativa, só propoño que se corrixan os erros.

Saúde,