g11n.net - comunidade de galeguización

Novidades sobre a plataforma

2011-04-29T18:51:00.000-07:00

Transcurrido un tempo prudencial, semella seguro afirmar que o proceso de devolución ao voluntariado da coordenación dos proxectos de software libre que motivou a posta en marcha desta plataforma foi finalizado, e que o traspaso das responsabilidades de coordenación deses proxectos foi realizado de forma efectiva. Resolta pois a urxencia causada polo desmantelamento de Mancomún, parece chegado o momento de permitir que a plataforma continúe coa súa propia evolución, desactivando aqueles servizos que son menos necesarios e redimensionando aqueloutros que mellor respondan ás necesidades que se foron destilando desta demorada posta en común.

Como ponto de encontro para a galeguización de programas e contidos informáticos, a plataforma g11n.net xa non debe por mais tempo continuar únicamente circunscrita ao específico ámbito do software libre, ao tempo que debe comezar a respostar ás inquedanzas do perfil técnico, científico e profesional que caracteriza a boa parte das personas congregadas en torno a esta iniciativa. Distintos ámbitos como a lingüística computacional, a tradución e a interpretación, as iniciativas de dinamización do idioma ou as políticas de normalización levan anos acollendo iniciativas que poden beneficiarse das sinerxías xeradas pola posta en común e o contacto interdisciplinar que quere fornece esta plataforma.

Trátase pois de redimensionar o proxecto para acoller unha aposta a longo prazo que durante os próximos anos non teña outro obxectivo que o de consolidarse paseniñamente mediante a progresiva agregación de vontades orientadas, colectivamente, a garantir a viabilidade da cultura galega na sociedade da información e do coñecemento. Os principais cambios e novidades irán aparecendo en forma de comentarios a esta mensaxe. Suxerencias e ideas, como sempre, serán benvidas.

Queremos galego como lingua preferente nos portátiles da Xunta

2010-09-17T15:55:00.000-07:00

Alerta pola exclusión do galego nos portátiles educativos da Xunta.
O galego debe ser incluído nos portátiles das escolas como lingua preferente.
A Xunta despreza o traballo de tradución realizada polo voluntariado.

A comunidade de galeguización da informática g11n.net quere alertar a todas as persoas preocupadas polo futuro do noso idioma acerca da decisión tomada pola Xunta de excluír o galego nos portátiles que a Consellaría de Educación distribuirá nos centros educativos.
O pasado luns 13 de setembro o director xeral de Educación, Jose Luis Mira, reuniuse cos directores dos centros que implantarán os portátiles neste curso. A partir deste encontro os directores dos centros e personal vencellado puideron visitar e probar in situ o modelo de aula xa equipada cos portátiles que serán distribuídos. Para sorpresa das persoas que probaron este modelo de aula, os ordenadores podían empregarse en castelán e tamén en inglés pero non era posíbel facelo en galego, sen que exista razón técnica algunha que poida xustificalo.
É a Consellería de Educación quen define as características que deben cumprir os ordenadores, entre elas as relativas á configuración de lingua. Se a empresa adxudicataria non incluiu o galego nos portátiles das escolas foi porque a Consellaría non lle esixiu facelo. Atopamos completamente inaceptábel que a Xunta valide para a súa presentación pública un modelo de aula dixital que exclúe a nosa lingua, máxime cando hai dispoñíbel libremente unha versión do sistema informático empregado plenamente operativo en galego grazas ao traballo da comunidade galega de tradución.
Pensamos que os ordenadores das escolas deben empregar o idioma propio do país de xeito preferente e de forma que sexa posibel escoller alternativamente outros idiomas como o español ou inglés. Esta configuración resultaría coherente ademais coa vontade expresada polos tres grupos parlamentarios PP, PSOE e mais BNG para que o galego sexa a lingua xeral de referencia no ámbito da administración pública.
Dende a comunidade de galeguización da informática g11n.net queremos apelar especialmente as personas mais vencelladas co sistema educativo (profesorado, nais e pais ou consellos escolares) para que fagan chegar á Xunta a súa preocupación por estes feitos e soliciten por escrito que o galego sexa o idioma preferente nos ordenadores do sistema educativo galego.
Mais información sobre a presentación do modelo de aula na web da Xunta.

Disfrázate de OpenOffice 3.2 neste antroido!

2010-02-12T15:54:00.000-08:00

Tras un longuísimo proceso de testaxe e de probas para asegurar a súa máxima calidade, xa se pode descargar a versión 3.2 de OpenOffice en galego. Sen lugar a dúbidas, trátase da mellor versión deste completo pacote ofimático tanto no aspecto técnico cunha impresionante mellora na súa velocidade de funcionamento, como tamén no aspecto lingüístico, acadando prácticamente o 100% da tradución da axuda no noso idioma grazas á comunidade galega de tradución e moi particularmente á personal adicación do filólogo Antón Méixome.
A igual que viñamos avisando nos anuncios do Thunderbird e do Firefox, esta versión aparece no medio dun proceso de cambio na coordenación do proxecto causada polo desmantelamento de Mancomún iniciado polo Partido Popular, e que provocou o abandono por parte da Xunta das traducións que viña realizando.
Por este motivo, aínda que o exhaustivo proceso de probas dirixido por Sun Microsystems garante a máxima calidade do produto, aínda non puidemos actualizar a web oficial da versión galega do OpenOffice. Agardamos logralo nos próximos días, mais non queremos que ninguén perda a ocasión de actualizar o seu OpenOffice -cousa que recomendamos encarecidamente- de maneira que aquí deixamos as ligazóns de descarga para as plataformas mais difundidas:

Descargar OpenOffice.org 3.2 para Windows
Descargar OpenOffice.org 3.2 para Linux tipo DEB (como Debian/ Ubuntu/ Galinux...)
Descargar OpenOffice.org 3.2 para OSX tipo Intel

Ademais, existen versións para outros tipos, como 64 bits -tanto en Linux como en Windows-, tamén RPM para Linux tipo RedHat/ Mandriva, para OSX tipo PPC así como versións para Solaris -tanto para máquinas Sparc como x86- que poden atoparse na páxina global de descargas de OpenOffice.org. Tamén nesa web poderemos atopar a versión para outros idiomas próximos como o Portugués (Europa ou Brasil) e tamén español.
Anímate a disfrazarte de OpenOffice.org 3.2 neste anrtoido!!

Descarga Firefox no teu móbil!

2010-01-28T15:55:00.000-08:00

Xa se pode descargar o Firefox para móbiles, a primeira versión de Firefox específicamente deseñada para funcionar en dispositivos móveis con pantalla táctil. Novamente poderemos desfrutar deste avanzo tecnolóxico grazas ao traballo da comunidade galega de tradución, e moi especialmente o de Manuel (Ifrit) que se encargou da tradución e do filólogo e traductor profesional Manuel Souto Pico (Xinelo) que levou a cabo a revisión lingüística.
Trátase do Firefox de sempre, redeseñado para funcionar mellor no teu dispositivo móvil. En principio esta versión funciona para dispositivos con Maemo de Nokia e tamén con Windows Mobile, se ben esta última opción aínda terá que agardar uns meses.
En cambio, a versión para Maemo de Nokia xa é plenamente funcional e vai moi pero que moi ben! Se tes un móbil con Maemo, como o Nokia N900 ou N810, só tes que introducir o teu número de móbil e a Fundación Mozilla enviarache gratuitamente ao teu móbil o enderezo para descargalo.
Lembra tamén que o plugin de Flash ven desactivado por defecto, pero funciona ben en páxinas como YouTube; atoparás na axuda instrucións para activalo se queres facelo, en modo avanzado.
Así que xa podemos desfrutar do Firefox no noso dispositivo táctil! Coa túa axuda acadaremos que progresivamente vaia estando dispoñibel nun número cada vez maior de móbiles e plataformas.

Acaba de saír o Firefox 3.6 en galego

2010-01-22T15:53:00.000-08:00

Xa se pode descargar o novo Firefox 3.6 no noso idioma. Trátase dunha versión moi mellorada do navegador mais popular que incorpora novas e importantes melloras: un 20% mais de velocidade, maior comodidade na apertura de novos separadores (ábrense ao lado do separador actual en troques de abrirse ao final de todo) e mais de 6.000 complementos gratuitos cos que personalizar o seu funcionamento.
A igual que xa fixeramos co Firefox, compre avisar que aínda que todo debería ir ben, existe a posibilidade de que aparezan problemas coa tradución galega do Thunderbird. O motivo non é outro que o proceso de desmantelamento de Mancomún iniciado polo PP dende que chegou á Xunta, que provocou a interrupción do traballo de tradución iniciado polo personal do CESGA, e que xa non poderá continuar.
Dende a plataforma g11n.net faremos todo o posibel por resolver problema calquera problema que poida xurdir, para o que vos pedimos que si detectades calquera erro enviedes notificación ben á rolda de coordenación de Mozilla (no correo electrónico galician@mozdev.org ) ou ben deixando unha mensaxe no foro comunitario g11n.net.
A desfrutar do mellor navegador do mercado!

Xa temos Songbird 1.4.3 en galego

2010-01-11T15:51:00.000-08:00

Chéganos aviso de Carlos Neira Cortizas da tradución ao galego do Songbird 1.4.3.Trátase dun reprodutor multimedia baseado no software de Mozilla que funciona moi ben. Grazas Carlos!! Esta era a súa mensaxe:

Ola a todas/os

Estréome na rolda de correos anunciándovos a localización ao galego da

última versión do Songbird, aplicación baseada en Mozilla para a

reprodución e xestión de bibliotecas multimedia. Publiquei o anuncio en

http://calidonia.eu/ Naturalmente calquera comentario ou corrección será

benvida pois eu non puiden testar todas as funcionalidades.

Un saúdo

Carlos Neira Cortizas

---------------------
http://calidonia.eu/
Tel: +34 669 829 373

Constitúese a Asociación Proxecto Trasno

2009-12-21T15:50:00.000-08:00

Chégannos boas novas a traverso da nosa rolda comunitaria: tras un longo proceso de reflexión e papelame, ven ao mundo unha nova asociación vencellada ao software libre e ao galego. Trátase do grupo Trasno (acrónimo de TRAdutores Sen NOme (Trasno) que tras varios anos de traballo en localización decidiu dotarse de personalidade xurídica.
Coa chegada de Trasno, xa somos dúas alomenos as asociacións que traballamos na rede a prol do galego... seremos ecapaces de establecer vínculos de coordenación, ou estaremos abocados inevitabelmente a un novo exercizo do minifundismo mental?
O tempo falará por sí mesmo, mais de momento o que toca é darlle a benvida aos novos e desexarlles o mellor no seu traxecto. Eis a mensaxe que enviou o seu director:

Compráceme informar de que:

A «Asociación Cultural para a Galeguización de Software Libre Proxecto Trasno»
con domicilio social no nº 28 da rúa A Plaza, Figueroa, Abegondo (A Coruña)
foi inscrita no Rexistro Central de Asociacións co nº 2009/013660-1 (SC) e
asignóuselle o NIF G70234315, co cal a asociación queda legalmente
constituída.

A asociación, sen ánimo de lucro, representa legal e economicamente ao
Proxecto Trasno e, en xeral, pretende ser a entidade que axude e soporte á
comunidade de localizadores ao galego.

Animo a todos aqueles que estiverades a localizar ou a axudar na localización
de software libre ao galego, ou a todos os desexedes facelo, a vos asociar,
participar nas decisións da asociación e contribuír nos obxectivos que nos
marcamos. Sodes máis que benvidos.

Tedes esta información ampliada en http://trasno.net/trasno:asociacion

Atentamente,

Miguel Branco

Xa temos o Thunderbird 3 en galego

2009-12-09T15:52:00.000-08:00

A Fundación Mozilla acaba de anunciar a publicación da última versión de Thunderbird, o programa libre de correo electrónico rápido, flexibel e seguro. E grazas á comunidade galega de tradución, podemos descargalo dende xa en galego.
Aínda que todo debería ir ben, queremos avisar da posibilidade de que aparezan problemas coa tradución galega do Thunderbird. O motivo non é outro que o proceso de desmantelamento de Mancomún iniciado polo PP dende que chegou á Xunta, que provocou a interrupción do traballo de tradución iniciado polo personal do CESGA, e que xa non poderá continuar.
Dende a plataforma g11n.net faremos todo o posibel por resolver problema calquera problema que poida xurdir, para o que vos pedimos que si detectades calquera erro enviedes notificación ben á rolda de coordenación de Mozilla (no correo electrónico galician@mozdev.org) ou ben deixando unha mensaxe no foro comunitario g11n.net.

Estamos a probar o Pootle na plataforma g11n.net

2009-12-08T15:50:00.000-08:00

Onte anunciabamos o lanzamento da versión 2.0.0 do Pootle... Despois dun mes de posta en común e dunha intensa e divertida noite de traballo, conseguimos instalar este servizo de tradución colaborativa.
http://traduce.g11n.net/
Axúdasnos a probalo? Rexistra unha conta -é automático- e proba o servidor; se tes calquera dúbida ou detectas calquera problema, só avísanos no foro comunitario da plataforma g11n.net

Publicada a versión 2.0.0 de Pootle

2009-12-07T15:49:00.000-08:00

Hoxe foi publicada de forma oficial a nova versión (2.0.0) de Pootle, un sistema web de axuda á tradución. Algunhas das principais melloras que incorpora esta versión son:

Nova interface de usuario, máis bonita e configurábel e con mellor xestión das contas. Inclúe información útil para o tradutor como a coincidencia con entradas dun glosario terminolóxico.
Melloras na xestión da interface web, con diferentes perfís de administración.
Integración co Translate Toolkit, o que permite amosar estatísticas e empregar técnicas de QA nas traducións.
Maior rendemento: soporte para un maior número de usuarios concurrentes, melloras na indexación dos textos (mediante Xapian ou Lucene), etc.
Outras melloras técnicas:
- Posibilidade de usar LDAP para a autentificación de usuarios.
- Uso como aplicativo independente ou servido por Apache.
- Pode usar moitos motores de bases de datos, ademais de MySQL.

Pódese consultar tamén unha lista completa de características do aplicativo.

Pode descargar esta nova versión na páxina oficial de descarga de Pootle en SourceForge.

Publicada a versión 0.5.0 de Virtaal

2009-12-03T15:48:00.000-08:00

Hoxe foi publicada de forma oficial a nova versión (0.5.0) de Virtaal, a ferramenta de axuda á tradución. As principais melloras que incorpora esta versión son:

Mellor integración das bases de datos terminolóxicas mediante AutoTerm, que agora permite o uso destas fóra de liña unha vez descargadas.
Procura na web: permite seleccionar texto e procuralo nun sitio web.
Marcado de diferencias nas coincidencias parciais coa TM.
Melloras nas consultas a Open-Tran.
Identificación de lingua
Novos plugins para facer uso de motores de tradución automática (Google e Moses).
Solucións a erros detectados na versión anterior.

Pódese consultar tamén unha lista completa de características do aplicativo.

O paquete está dispoñíbel xa para descarga.Os usuarios de Linux teñen que ter en conta que para poder utilizar a última versión de Virtaal deberán así mesmo actualizar o Translate Toolkit.

Joomla! 1.5.15 en galego

2009-11-15T15:47:00.000-08:00

Informa Daniel Munhiz no seu blog de que ven de anovar a versión dos paquetes de galego para o Joomla! á versión actual que é a 1.5.15. Preme aquí para descargalos. Parabéns polo traballo a Daniel Muñiz.

Chamamento: verificación do novo OpenOffice 3.2

2009-11-15T15:46:00.000-08:00

Acaba de ser publicado nos foros de g11n.net o seguinte chamamento para colaborar no proceso de verificación da futura versión de OpenOffice.org, a nova 3.2. Na mensaxe indícase cómo descargar o programa para probalo. O prazo para facer a verificación finaliza este mércores 18 de novembro de 2009.

A seguir reproducimos o texto da mensaxe publicada nos foros:

Ola!

Queres axudarnos a probar o novo OpenOffice.org 3.2 no teu idioma? Entón segue a ler:

Acaba de ser publicado un adianto da próxima versión de OpenOffice.org que, grazas ao traballo comunitario, incorpora xa a súa tradución ao noso idioma. Trátase dunha versión de probas que nos permitirá verificar o seu correcto funcionamento e resolver así calquera problema grave antes de que se produza a publicación da súa versión oficial.

Dende a equipa de galeguización de OpenOffice.org queremos pedir a túa colaboración para axudarnos nesta importante tarefa. O proceso é moi sinxelo: consiste en:

Instalar (ver nota a pe de paxina [1]) o aplicativo (Linux ou Windows)
Probalo (por exemplo entrando nos menús, consultando a axuda, premendo os botóns, examinando os cadros de diálogo...) e finalmente:
Avisarnos por correo no enderezo dev@gl.openoffice.org de calquera erro grave que puideras detectar.

Lembra que o prazo para a recepción de erros finaliza o próximo mércores 18 de novembro de 2009, polo que só temos esta semana para verificar o seu funcionamento.

Grazas dende xa pola túa colaboración!
--

[1] Lembra que se trata dunha versión de probas e por tanto que debes extremar as precaucións, especialmente poñendo a salvo a túa configuración e os teus ficheiros e desinstalando as versións anteriores do aplicativo antes de instalar esta versión de probas. Podes descargar a versión de probas para Linux (DEB ou RPM) e tamén para Windows nas seguintes ligazóns:

Instalador para Windows: http://ooo.services.openoffice.org/pub/ ... all_gl.exe
Instalador para Linux DEB (tipo Debian, Ubuntu e similares): http://ooo.services.openoffice.org/pub/ ... deb.tar.gz
Instalador para Linux RPM (tipo RedHat, Mandriva e similares): http://ooo.services.openoffice.org/pub/ ... _gl.tar.gz

Fonte: http://foros.g11n.net/viewtopic.php?f=19&t=30

Novo recurso lingüístico liberado polo CIRP

2009-11-12T15:45:00.000-08:00

O Centro Ramón Piñeiro para a Investigación en Humanidades acaba de liberar un novo recurso lingüístico baixo a licenza LGPLLR. Trátase dun corpus etiquetado morfosintacticamente e revisado a man que inclúe aproximadamente 300.000 formas tomadas de textos xornalísticos. Está dispoñíbel para descarga en:

http://corpus.cirp.es/xiada/corpus_xiada_2_3.tar.gz

Até agora xa era posíbel o acceso ao corpus mediante a ferramenta web de procura presentada hai uns meses.

Este recurso pode resultar moi útil á hora de mellorar as ferramentas lingüísticas que existen na actualidade, ou para adestrar modelos estatísticos.

A nova foi anunciada na lista corpora.

A Xunta xa non controla o Firefox en galego

2009-11-05T15:44:00.000-08:00

Manuel Vilas . As dúbidas sobre Mancomun levan os activistas do software libre galego a traballar á marxe do Goberno. Un membro da plataforma G11n consegue o recoñecemento internacional como responsábel da galeguización dos principais programas libres: o navegador Firefox, o paquete de oficina OpenOffice.org e o entorno gráfico GNOME.

“G11n non é unha nova organización, senón unha plataforma para ofrecerlles os recursos aos que queiran traballar no software libre galego”. Son palabras de Alexandre Prieto, voceiro deste novo colectivo que naceu para que non se perdan os avances logrados no software libre galego nos últimos anos.

Prieto explica que “co cambio de Goberno quedou claro, vistos os despedimentos e os orzamentos, que Mancomun.org ficará só como un páxina web de noticias, polo que temos que reorganizarmos”.

Mozilla e Sun xa non recoñecen a Xunta como coordinadora

Nesa reorganización inscríbese o cambio da titularidade oficial da galeguización dos programas libres. A fundación Mozilla (responsábel do Firefox), Sun Microsystems (responsábel do OpenOffice) e o proxecto Gnome xa non recoñecen como representante oficial a Xunta senón a Suso Baleato, un dos membros máis implicados na plataforma.

Dende G11n explicase que deste xeito evítase que, ante as dúbidas mostradas polo Goberno neste asunto, as traducións ao galego de programas abertos fiquen sen recoñecemento internacional, tal e como pasou durante media década co Firefox.

De feito, as novas versións en galego deste navegador, que xa usa máis do 20 por cento dos internautas, e do OpenOffice.org xa están “no forno”.

Iso si, os activistas insisten unha e outra vez en que “o proxecto está nacendo” e que G11n está aberto a participación de todos. Polo de agora, xa son unhas cincuenta persoas as que colaboran.

Implicación da Ciberirmandade

Fano a través de dous servidores de gran capacidade, listas de correo, unha wiki que comezará a funcionar proximamente, un servidor web, un repositorio para os códigos e foros.

O custe destas ferramentas calcúlase en 5.000 euros para dez anos. Polo de agora os cartos saíron de donativos dende a Ciberirmandade (a comunidade virtual de activistas a prol do galego na informática) e de achegas dos propios voluntarios.

Fonte: A Nosa Terra: http://www.anosaterra.org/nova/36959/a-xunta-xa-non-controla-o-firefox-en-galego-.html

Método de galeguización

2009-11-03T15:42:00.000-08:00

Estes días atrás estivemos a traballar na sistematización dun método de galeguización que puidese servir de referencia de entrada para a xente nova interesada en colaborar, á vez que poida valer para que todos nós teñamos máis claro cales son os pasos comúns ao proceso de tradución (alén das particularidades de cada proxecto).

Podes consultala en:

http://repositorio.g11n.net/l10n/doc/estratexias/

Queremos compartilo aquí para así poder mellorala coas achegas de todos, a través dos foros.

Chamamento para a tradución de GNOME (versión 2.30)

2009-11-02T15:44:00.000-08:00

Acábase de abrir o prazo para a tradución da versión 2.30 de GNOME, un contorno de escritorio intuitivo e de uso doado. O equipo de galeguización de GNOME querémosche facer este convite para que colabores connosco nesa tarefa.

Queres axudar? É ben doado! Explicámosche cómo facelo:

A- Envía unha primeira mensaxe á nosa rolda oficial de coordinación [1] contándonos algo sobre ti (tes algunha experiencia traducindo? Que te motiva a colaborar? sempre axuda saber algo de cada un de nós!) e indica se prefires participar traducindo, revisando ou colaborando doutro xeito -se cadra no wiki, cazando erros ou en calquera outro aspecto do proxecto. Desta maneira poderemos asignarche o rol correspondente e darche a información adecuada sobre cuestións importantes como estilo de correción lingüística ou as ferramentas que adoitamos empregar.

B- Mentres agardas pola resposta [2!!], podes ir botándolle un ollo ao traballo que temos pendente. Para esto visita o web oficial do noso equipo [3] e observa a táboa na que se relacionan as distintas versións. Agora estamos a traballar na versión 2.30, que é onde máis produtivo resultaría o teu traballo.

En cada unha das filas desa táboa poderás visualizar o estado da tradución de dous aspectos de GNOME: a interface gráfica e a documentación. Seguindo a ligazón correspondente, poderás ademais visualizar o estado detallado da tradución de cada un dos módulos incluíndo tanto a porcentaxe traducida como a identificación das personas que están participando na súa tradución. Tamén verás en que fase do proceso se encontran, por exemplo se alguén reservou para sí a tradución ou se a tradución enviada está pendente de revisión.

C- Xa te presentaches? Xa recibiches a información precisa sobre como desempeñar o teu rol? Estupendo! Entón agora escolle o teu caso:

1.- Se vas axudar traducindo ou revisando, xa só che queda rexistrarte na interface de tradución de GNOME [4] e selecionar o teu rol. Unha vez que sexa activado xa poderás reservarte os módulos que che interesen e poñerte a traballar sobre iles.

2.- Se vas axudar en calquera outro aspecto sigue as indicacións que che farán chegar os membros do equipo.

Como ves, trátase dun proceso sinxelo que permite a colaboración de distintas personas cada unha traballando ao seu ritmo, segundo as súas capacidades e as súas preferencias personais. Non son necesarios complexos coñecementos técnicos senón ganas para axudar a que o noso idioma continúe presente na rede.

Así que non o dubides máis e anímate a colaborar!!

Notas do texto:

[1] gnome @ g11n.net

[2] Se non te contestamos inmediatamente por favor, non te molestes: ten en conta que podemos ter apuro polos prazos de entrega, que a xente máis activa colabora tamén noutros proxectos e... que a maioría de nós temos que compatibilizar a nosa contribución en GNOME coas nosas obrigas diarias. Lembra que o noso traballo é voluntario, cada quen fai o que pode!

[3] http://l10n.gnome.org/teams/gl

[4] http://l10n.gnome.org/register/

A nova versión de LanguageTool inclúe xa o galego

2009-11-02T15:41:00.000-08:00

Acaba de ser publicada a versión 1.0.0 do corrector lingüístico LanguageTool, que nesta nova versión inclúe por primeira vez a posibilidade de corrixir textos escritos en galego.

Esta aplicación pode usarse integrada como plug-in noutras aplicacións (por exemplo, OpenOffice.org ou LyX) ou de forma independente, como programa autónomo.

Pódese obter máis información sobre o desenvolvemento para o galego deste programa no seguinte enderezo:

http://www.g11n.net/languagetool-gl/

Fonte: http://foros.g11n.net/viewtopic.php?f=6&t=17

Ubuntu 9.10: a nosa lingua presente

2009-10-30T15:39:00.000-07:00

[Ubuntu] Grazas aos esforzos das comunidades de tradución arredor do mundo, Ubuntu está dispoñible nos seguintes 25 idiomas: español, portugués brasileño, francés, italiano, sueco, alemán, húngaro, chines simplificado, inglés, ruso, neerlandés, xaponés, portugués, finlandés, danés, catalán, checo, polaco, coreano, búlgaro, grego, esloveno, chines tradicional, euskara e galego.

Esta lista representa os idiomas que acadaron o obxectivo do que consideramos un sistema operativo traducido. Aínda así, Ubuntu está tamén dispoñible en moitos outros idiomas, con distintos graos de tradución, algúns dos que están cerca do que consideramos completo: asturiano, serbio, vietnamita, estonio, noruegues bokmål, bengalí, hebreo, guxarati e hindi.

g11n (galeguización). Comeza a andar

2009-10-25T15:38:00.000-07:00

Comeza a andar o proxecto g11n.net (http://www.g11n.net), ideado como unha plataforma que facilite a localización de software libre á nosa lingua mediante a posta en funcionamento dun conxunto de ferramentas ofrecidas á comunidade e na que, de forma autoxestionada, as decisións sexan debatidas e acordadas entre todos e todas. Para participar no proxecto non é preciso ser un experto/a informático/a, pois calquer persoa cun mínimo de interese pode facer achegas dende distintos eidos.

Das diversas propostas que teñen xurdido, identificouse a falta de xente como un dos principais problemas estructurais, común a todos os proxectos de galeguización. Para resolvelo, cremos que o sistema de foros pode ser moi útil en canto que mellora a visibilidade da comunidade no exterior..

A este efecto vimos de poñer en marcha un servizo comunitario de foros abertos, accesibel xa dende o enderezo do proxecto (http://www.g11n.net).

Temos claro que tanto a estructura do proxecto como o funcionamento dos foros son cuestións que deben ser decididas colectivamente; por eso dende o principio queremos que quede claro que a estrutura actual é só unha proposta que fazemos para que sirva de punto de partida.

A canle para tomar este tipo de decisións é o foro "Organiza" no que dende xa convidamosche a participar, con só rexistrarte nos foros. Neste sentido o rexistro é automático (non require autorización de ningún administrador, tan so activación dende unha ligazón que recibirás por correo) e dá dereito a participar no foro adicado á propia organización (os visitantes non rexistrados poderán ler, pero non escribir, cousa que si poden facer nos restantes foros).

Tal como xa fomos anunciando, a intención é montar un conxunto de ferramentas postas a disposición da comunidade, autoxestionada, e en ningún caso forma parte dos nosos obxectivos crear unha organización propia separada das demais; trátase exclusivamente crear unha estructura na que todos e todas teñamos cabida e da que poidamos facer uso libremente.

Chegados a este ponto, damos por rematado xa o proceso de posta en marcha da infraestructura básica comunitaria de g11n para facilitar a localización de software libre á nosa lingua, e comezamos os debates con dous temas básicos: a estructura dos foros e a sua política de uso.

Se che presta, rexistrate, discute e decide.

Novo servizo: foroweb

2009-10-25T15:34:00.000-07:00

Unha vez postos en marcha os servizos máis urxentes, chega o momento para comezar a poñerlle remedio ao problema estructural da comunidade de galeguización: a nosa incapacidade para atraer xente nova e incorporala ao proceso de localización. Retomando unha das propostas que xurdiran nos primeiros encontros de g11n, poñemos en marcha un foro de galeguización de fácil uso que permita rebaixar a barreira de entrada para as novas incorporacións.

Acabamos de poñer en marcha un servizo comunitario de foros abertos sobre galeguización. Como sabedes, trátase dunha das propostas que xurdiron nas nosas xuntanzas para contribuir a resolver o que identificamos como o problema estructural común a todos os proxectos de galeguización: a falta de xente. Cremos que o sistema de foros pode ser moi útil neste aspecto e tamén para mellorar a visibilidade da nosa comunidade no exterior. O servizo é accesibel xa dende o seguinte enderezo:

http://www.g11n.net/

Temos claro que tanto a estructura como o funcionamento dos foros son cuestións que deben ser decididas colectivamente; por eso dende o principio queremos que quede meridianamente claro que a estrutura actual é só unha proposta que fazemos para que sirva de punto de partida.

A canle para tomar este tipo de decisións é o foro "Organiza" no que dende xa vos convidamos a participar, con só rexistrarvos nos foros. Neste sentido o rexistro é automático (non require autorización de ningún administrador) e dá dereito a poñer comentarios, aínda que calquera visitante poderá ler os nosos debates libremente, sen estar rexistrado.

Novo servizo: repositorio comunitario

2009-10-22T15:32:00.000-07:00

Tras varios días de testaxe, intégrase o servidor adicado proporcionado pola Ciberirmandade, que comeza a hospedar os servizos masivos. O primeiro en poñerse en marcha ten como propósito facilitar o mantenemento colectivo dunha copia de seguranza dos datos e os proxectos ubicados en Mancomún: trátase do novo repositorio comunitario http://repositorio.g11n.net/

Continuando co noso propósito de fornecer recursos comunitarios que resulten útiles no contexto definido polos consensos de g11n, vimos de poñer en funcionamento un repositorio público dende o que será posíbel descargar o material que a propia comunidade decida incluir nel.

O repositorio está dispoñibel xa dende o enderezo http://repositorio.g11n.net e, tal como se pode apreciar, foi INICIALMENTE estructurado co propósito de albergar copias de seguridade ante o impacto do posibel desmantelamento de Mancomún. Atópase actualmente valeiro.

A mecánica INICIALMENTE definida para incorporar novos datos ao repositorio é a seguinte:

- Empregando unha conta ftp envíanse os datos ao servidor.
- Periódicamente, un script moverá os datos enviados a un directorio intermedio xerando sinaturas MD5 para evitar duplicidades.
- Os operadores revisarán os ficheiros para comprobar a súa integridade, ubicándoos no lugar correspondente do repositorio e modificando a súa estructura cando corresponda facelo.

Compre agora encher o repositorio. Trátase dunha tarefa colectiva, polo que deixamos creadas unha serie de contas ftp que serán entregadas a determinados individuos e colectivos (como o CESGA ou Trasno) que destacan pola súa aportación na produción dos materiais de maior valor. Ademais abrimos a posibilidade para que calquera interesado en colaborar neste proceso solicite a través da rolda comunitaria acceso ftp.

Nota: Aínda que nun principio estaba previsto fornecer contas sftp/scp, finalmente optouse pola opción ftp por entender que son públicos os datos que van integrar o repositorio.

Saude. Alexandre Prieto

Novo servizo: xestión de proxectos

2009-10-18T15:31:00.000-07:00

Mozilla, OpenOffice.org, GNOME, LanguageTool... unha xestión eficaz dos proxectos de localización mellora moito se pode apoiarse nas ferramentas adecuadas. Con este propósito desprégase esta nova ferramenta que facilitará a labor das personas responsabeis dos distintos proxectos de galeguización e mellorará a integración das iniciativas vencelladas. Trátase do servizo de xestión de proxectos de galeguización: http://proxectos.g11n.net/

Boa tarde,

Escrebo para avisar da posta en produción do servizo de xestión de proxectos de galeguización[1]. Trátase dunha ferramenta que facilitará a labor das personas responsabeis dos distintos proxectos de galeguización e que permitirá mellorar a integración das distintas iniciativas vencelladas. O enderezo para acceder a este servizo é o seguinte:

https://proxectos.g11n.net/

Como se pode apreciar é preciso autenticarse para poder empregar este servizo, o que implica dispoñer dunha conta que permita o acceso. Neste sentido a mecánica é sinxela: outórgase automáticamente conta co rol de "xestión de proxectos" ás personas responsabeis de iniciativas de galeguización que, en ausencia de obxecións, o soliciten na rolda comunitaria. Dende esa conta pode xestionarse o propio proxecto ademais de visualizar o resto dos proxectos activos para mellorar a interrelación.

Os únicos proxectos activos neste momento son os que eu xestiono de galeguización de Mozilla, OpenOffice.org e mais GNOME, así como o proxecto de adaptación para o galego do corrector lingüístico LanguageTool xestionado por Susana Sotelo.

Por suposto: novos proxectos son benvidos :)

Saúdos,

[1] Compre insistir, para tranquilidade das personas máis independentes, na idea de que non é preciso darse de alta neste servizo para participar nos proxectos de galeguización, nin siquera naqueles que estén xestionados mediante este servizo. Trátase únicamente dunha ferramenta para facilitar as tarefas de _xestión_ dos proxectos de galeguización. Explícitamente nada ten que ver este sistema nin interfire coas tarefas de tradución, revisión lingüística, escolla terminolóxica, remisión de traducións aos repositorios e similares, que continuarían funcionando exactamente igual que até o
presentebapache2-mod-wsgi.

--
http://susinho.pagina.de/

Novo servizo: roldas de correo

2009-10-17T15:30:00.000-07:00

Grazas á eficacia do traballo coordenado a traverso do IRC, en menos de 24 horas xa temos despregado un xestor de roldas de correo e o que é máis importante: unha rolda de correo comunitaria (comunidade @ g11n.net) que garante a continuidade da rincipal canle de coordenación sobre galeguigazación mesmo en caso de feche da rolda hospedada nos servidores da Xunta.

Boas,

Acaba de entrar en funcionamento a rolda de distribución de correo comunitaria instalada para minimizar o impacto do actual proceso de desmantelamento de Mancomún e o posibel feche da súa rolda g11n, que tan efectiva foi no pasado para mellorar a comunicación entre as distintas partes -ás veces contrapostas- que conforman esta comunidade. Os novos enderezos son:

Servidor: https://roldas.g11n.net/
Rolda : comunidade en g11n.net

O funcionamento é idéntico ao que xa coñecemos; entre as súas características:

- Arquivo público (procesos decisionais participativos e transparentes)
- Resposta á rolda por defecto (e non ao/á remitente, algo bastante molesto)
- Suscrición automática con aprobación (para evitar bots de spammers)
- Administración colectiva (para que todos/as poidamos dedicir)

Nuns minutos todas as personas agora subscritas rolda de Mancomún recibiredes un convite para vos inscreber nela libremente, con só clicar na ligazón web que vos chegará ao correo. Desta forma poderemos continuar comunicados aínda no caso de que se cumpran as peores espectativas.

Deixamos tamén habilitada unha réplica da rolda de Mancomún á que podedes acceder a traverso da web da nova rolda comunitaria [1]. Manteremos esa réplica actualizada para evitar que o desmantelamento de Mancomún ocasione a perda da información contida nela.

Saúdos,

[1] https://roldas.g11n.net/mailman/listinfo/comunidade

--
http://susinho.pagina.de/

Novo servizo: servidor IRC

2009-10-17T15:29:00.000-07:00

Unha vez resoltas as xestións técnicas relativas aos nomes de dominio, comeza a instalación da infraestructura, para o que se facía precisa unha canle de comunicación adecuada. Retomando a experiencia acumulada por algunhas das personas involucaradas, óptase por empregar un servidor IRC criptografado que permita realizar o traballo de administración de sistemas coa celeridade que require a situación. Ao decatarnos de que esto mesmo podía serlle útil a outros membros da comunidade, decidimos abrir o servidor a quen o queira empregar. Trátase do servidor IRC comunitario irc.g11n.net. Foi a traverso desta mensaxe;

Boas,

Dar conta da posta en marcha do servidor IRC para facilitar a celebración de xuntanzas virtuais e sesións de traballo simultáneo en grupo. Trátase dun servidor IRC estándar que ademais incorpora a posibilidade de criptografar as conversas para quen precise de maior privacidade. Para unha conexión normal, os datos son os seguintes:

Servidor: irc.g11n.net
Porto : 6667

Por defecto ocúltase a IP da conexión para evitar miradas "indiscretas". No caso de ademais querer criptografar as conversas, é preciso indicar a opción "SSL" e o porto 6670. Por exemplo empregando o irssi (cliente que recomendamos) valería a seguinte cadea de conexión:

/server -ssl irc.g11n.net 6670

Polo demais, é un servidor estándar que funciona igual que calquera outro servidor IRC, e queda prendido permanentemente. Non fai falta pedir permiso nin rexistrarse para empregalo; é un servidor público a disposición da comunidade de localización.

Saúdos,

Nota: unha vez conectado, podes unirte a unha das canles existentes ou ben crear unha nova fácilmente con /join #nome_da_canle

--
http://susinho.pagina.de/

O espírito de Mancomún sobrevive fóra da Xunta

2009-10-16T15:33:00.000-07:00

O éxito da mobilización social en defensa de Mancomún espertou o interese da prensa, que se fai eco da posta en marcha da nosa plataforma comunitaria así como da constitución do proxecto Trasno en asociación.

O espírito de Mancomún sobrevive fóra da Xunta

A comunidade galega do software libre organízase á marxe da Administración para seguir traducindo programas ao galego

O futuro de Mancomún, o organismo que se encargaba, entre outras cousas, de coordinar o labor de tradución ao galego de distintas aplicacións informáticas, das que a máis destacada foi o sistema operativo Galinux, segue a ser incerto. Porén, as comunidades de usuarios do software libre comezan a organizarse para que a rede de traballo creada a raíz desta iniciativa non morra con ela. Actualmente, hai dúas medidas en marcha neste eido: a creación dunha asociación, promovida polo proxecto Trasno e que levaba tres anos xestándose, e unha plataforma, g11n.et, que conta co apoio por distintos grupos de tradutores, membros de Ciberimandade da Fala e o ex coordinador de Mancomún, Suso Baleato.

Logo de que se producisen despidos dentro do proxecto que se creara no 2006 co apoio da Xunta, e de que o conselleiro de Presidencia, Alfonso Rueda, anunciase recortes económicos, tras vincular a iniciativa co anterior goberno, e subliñará que o apoio insitucional ao software libre irá por outras vías, a perspectiva é que Mancomún deixe de ser un organismo de coordinación para converterse nunha simple web. Os voluntarios, en cambio, non deixarán de traducir, e seguirá a haber estándares abertos en galego.

O proxecto Trasno agrupa voluntarios dedicados á tradución de aplicacións e foron os que historicamente ralizaron máis traballo nesta liña. A súa constitución en asociación permítelles contar agora cunha figura xurídica, aínda e xa viñan traballando neste campo moito antes de que se crease Mancomún.

Por outra parte, a plataforma informática g11n.et, que toma o seu nome da palabra galeguización, ten como obxectivo garantir a pervivencia das actividades que viña facendo Mancomún, “sen depender de institucións públicas, partidos políticos ou empresas”, segundo explica Suso Baleato.

Precisamente, un dos aspectos de Mancomún que recollera máis críticas por parte dos grupos de usuarios de Linux (guls) fora a súa vinculación co anterior executivo. Nesta liña, Alexandre Prieto, voceiro de Ciberimandade, a organización máis antiga da rede de galeguización da informática, sinala que sempre foron “críticos con Mancomún por temor a que pasase isto; esta plataforma será aberta para que a poida utilizar calquera, non é Ciberirmandade, nós só a apoiamos economicamente; o seu éxito dependerá da cantidade de voluntarios que colaboren”. Ademais incide en que non pretenden que funcione coma unha asociación. “Queremos autoxestionarnos, que o que participe, participe tamén na toma de decisións”, sinala o voceiro.

“Se nos lanzamos a isto é porque estamos convencidos de que Mancomún desaparece; están os despidos, o recorte económico –con 30.000 euros só se pode pagar o salario de dúas persoas–, e o feito de que a Xunta non vaia potenciar o traballo de tradución”, engade.

Con este fin xa están funcionando un servidor IRC, un chat, para celebrar xuntanzas virtuais e sesións de traballo; unha rolda de distribución de correo como canle de comunicación principal e un servizo de xestión de proxectos. Ademais, ao longo da semana poñerase en marcha un servizo de foros para resolver dudas terminolóxicas e un servidor de memorias de tradución. Todos estes soportes garanten o mantemento da infraestrutura técnica que desenvolvera Mancomún para permitir a coordinación das persoas que participaban, tanto a título individual como dentro de grupos ou asociacións na promoción e tradución do software libre.

En canto ao financiamento, farase coas aportacións dos voluntarios. Con tan só 5.000 euros, estiman, poderase garantir o seu funcionamento nos próximos dez anos.

Fonte: http://www.xornal.com/artigo/2009/10/18/sociedad/espirito-mancomun-sobrevive-fora-da-xunta/2009101823180847953.html

Proposta de plataforma comunitaria g11n

2009-10-15T15:28:00.000-07:00

En senllas xuntanzas celebradas en Cangas do Morrazo e Santiago de Compostela, concrétase unha proposta de plataforma comunitaria baixo o dominio g11n.net. Nestas reunións identifícanse os recursos dispoñibeis para instalar a infraestructura e defínese o alcance priorizando os as áreas de desenvolvemento e localización.

A respeito da primeira, decídese poñer en marcha un sistema que permita o mantenemento colectivo dunha copia de seguranza
En canto á localización identifícanse dous problemas: un crítico polo risco de que a Xunta desactive os servidores (que se paliaría mediante a copia de seguranza anterior) e outro estructural devidado da falta de xente, que se quere paliar fornecendo ferramentas que faciliten a consolidación dunha rede sociais como poden ser os foros.

Como referencia de planificación tómase o seguinte cronograma(preme na imaxe para ampliala):

Boas,

Dou conta do encontro de onte, agradecendo públicamente ao personal da Faculdade de Filoloxía a súa dilixencia tanto para facilitarnos en tan pouco tempo a sá multimedia como despois para ubicarnos noutra sá debidoa que reunión se alongaba e compría activar as alarmas.

Por resumir para que non queira seguir lendo: comezamos sen máis demora a fazer copia de seguridade sobre unha plataforma que poderá funcionar, ceteris paribus, de forma independente e autoxestionada durante os próximos 10 anos.

O guión do que falamos é o que propuxo Susana ao principio da reunión, -que por certo, tamén se encargou de imprimir os indicadores que se ven nas fotos anexas, té e máis cousas en plan anfitriona total- e que pode atoparse eiquí:

http://gramatica.usc.es/wiki/sistemas/L10N/Eventos/G11n3

Resumindo:

* Recursos e datos que cómpre salvar do desmantelamento, que se queren disponibilizar en forma de copia navegabel no servidor adicado:

- Desenvolvemento:
- Forxa (CVS, BBDD, wikis, roldas, info dos proxectos)
- AraOS, Galinux (documentación e debs)

- l10n:
- GNOME, OO.org, Mozilla non fai falta réplica xa que cada un destes proxectos ten infraestructura propia independente de Mancomún, se ben si se gardará copia dos primeiros binarios do oo.org (algunhas cousas como o golfinho ou exeria só parecen funcionar con esas) e mais os xpi de mozilla (esto xa non é moi útil, pero forma parte da intrahistoria de mozilla, e teñen valor sentimental.
- Recursos lingüísticos publicados (tipo TMX, glosarios e demais)
- DVD PEME, Koha e outras (obter traducións, ver en cada caso)
- Toda a documentación publicada

- A maiores:
- Copia dos arquivos públicos das roldas de correo, periódica
- Mirror da web, incluíndo wiki

* Distribución dos servizos:

- Servidor adicado: Réplica, repositorio, foros, web, wiki, software de rede social e todo o que faga falta, agás o asignado a:

- Servidor emerxencia: rolda g11n co seu arquivo, servidor DNS dos dominios (co .net de cabeceira) e servidor IRC criptografado para o traballo diario e as xuntanzas periódicas.

- Se alguén ofrece calquera outro servidor, redirixirase o subdominio á IP correspondente, para poder sumar novas iniciativas de forma rápida e flexibel.

* Estratexia para o traslado:

- Farase copia dos recursos que sexan públicos e deixaranse a disposición da xente do CESGA e de Trasno contas scp/ sftp para que copien alí o que consideren preciso. A idea é que baste enviar a chave pública para activar a conta e iniciar o respaldo.

- No que se refire ás roldas gardaremos copia periódica dos arquivos que sexan públicos e que se manterán estáticos; non se manterán as actuais roldas públicas funcionando -agás que haxa unha solicitude nese sentido e alguén disposto a asumir o mantenemento- agás no caso da rolda g11n que seguirá funcionando coa mesma configuración actual. No caso de que no CESGA suban copia do arquivo, faremos o merge correspondente; noutro caso manterase unha copia estática navegabel do arquivo anterior enlazado dende a web de información do mailman.

- Non parece que teña sentido manter o mirror do Typo3 actual e dos wikis máis que a efectos de arquivo histórico; por tanto non se instalará o Typo3 (a non ser que haxa quen se preste voluntariamente a fazelo) senón que se gardará copia estática do contido publicado. A web de referencia, en tanto non se defina outra solución -e Joomla aparece como opción preferente- será a que amose o mailman para a rolda.

- Wiki: o mesmo que para a web; manterase unha copia estática do publicado sen descartar incorporar eses contidos ao wiki do servidor adicado.

- Forxa: ver o primeiro punto. Manualmente só se fará copia dos proxectos máis directamente relacionados coa g11n; non se considera montar outra forxa (de novo, agás que haxa quen se preste voluntariamente a facelo).

* Tarefas concretas para a migración:

- Configurar as contas scp/ sftp para darlle acceso á xente do CESGA e Trasno.

* Servizos que podemos ofrecer

Eiquí houbo tormenta de ideas:

- Comezar a pensar en memorias de tradución por tipo de aplicación (por exemplo: TMX de wikis, pois o máis probabel é que a terminoloxía dun wiki sexa aproveitabel nos outros; o mesmo para os escritorios (exemplo KDE/GNOME)
- Foro aberto sobre terminoloxía. Esto podería facerse de forma inmediata.
- Foro de "primeiro contacto" ou "axuda" para personas que queiran iniciarse na galeguización de software.
- Localización/ tradución/ QA en liña, para facilitar a integración de nova xente, vía web.

En todo caso, a materialización destas ideas sería a medio/longo prazo, non agora, e ademais a definición dos servizos que se ofrezan deberán ser resultado do proceso de análise que no cronograma se iniciaría agora: quedaría aberto o proceso para que todo o mundo poida participar directamente fazendo as súas achegas.

* Tarefas e perfís

Dependerá dos servizos, e por tanto dos resultados da análise.

* Outros

- Asociación de Trasno. Ao parecer Trasno está dando pasos para constituirse en asociación tras acordar uns estatutos redixidos a traverso dun proceso interno de debate privado levado a cabo básicamente na súa rolda fechada.
Como non se empregou un proceso decisional e aberto, esa asociación non pode representar ao conxunto da comunidade (a Ciberirmandade por exemplo estaría excluída dela, a igual que tradutores que prefiran traballar de forma independente ou que esixan facelo de forma aberta e transparente); mais iso non significa ningún obstáculo para colaborar no futuro e o feito de que Trasno -por fin- se convirta en asociación é unha boa noticia por que é bó para todos.

- Finanzamento. Lamentabelmente no mundo que vivimos é preciso diñeiro para interactuar e dispoñer de recursos; e por se esto non fora problema suficiente, o tema dos cartos tende a ser causa de conflictos e desconfianza entre a xente. Á hora de calcular o custe da alternativa, é preciso entender que non se pretende clonar a estructura de Mancomún, senón manter funcional unha plataforma independente de subvencións e institucións e autoxestionada polas personas que fagan uso dela.

Inicialmente falouse en cubrir o investimento preciso para garantir dous anos, pero finalmente optouse por unha solución a máis longo prazo. Así, o investimento previsto que comprometemos é de 5000 euros para o mantenemento dos dominios g11n e dos servidores virtuais durante os próximos 10 anos. Os detalles das contas iranse publicando seguindo o mesmo modelo que se ven usando na Ciberirmandade para garantir a máxima transparencia.

Dito esto e vistas as últimas noticias ([1],[2],[3],[4]) que confirman o desmantelamento de Mancomún, penso que xa todo o mundo ten clara a postura de cada quen, así que pouco hai máis que dizer que: a traballar. Esta será unha intensa fin de semana: onde hai vida, hai esperanza.

Saúdos,

Suso Baleato escrebeu:
> Boas,
>
> Acaba de avisar Susana de que temos dispoñibel a sá de videoconferencia
> da Faculdade de Filoloxía da USC; a falta doutras alternativas, ahí
> estaremos mañá mércores 14 ás 20:00 para continuar avanzando nas propostas
> de Cangas; por suposto, reunión aberta a quen queira participar nela, tanto
> presencialmente como facendo aportacións vía correo.
>
> Saúdos e avante toda!
>
>
>
> Suso Baleato escrebeu:
> > Suso Baleato escrebeu:
> > > Minhoca escrebeu:
> > > > Suso Baleato escribiu:
> > > > >
> > >
> > > O propósito de ambas reunións será o mesmo: fazer inventario de recursos de
> > > infraestructura e proxectar a súa posta en común para darlle continuidade aos
> > > proxectos de Mancomún, lóxicamente priorizando os de g11n.
> > >
> > > Sobra dizer que as dúas reunións son abertas, pode participar nelas quen queira,
> > > e se alguén ten propostas (de recursos, de loxística...) pero non pode vir, que
> > > mas faga chegar directamente ao correo ou ben a traverso desta rolda.
> > >
> >
> > Dou conta da xuntanza de hoxe, longa como se pode ver polas horas, mais
> > fructífera como se verá, na que estivemos Minhoca e máis Medulio pola
> > Ciberirmandade, Susana Sotelo e mais eu.
> >
> > Todo o que se expón son propostas, que se expoñen eiquí para consideración
> > xeral e nas que continuaremos avanzando na reunión prevista para Compostela
> > (o mércores 14 ás 20:00) en lugar por concretar (admítense ofrecementos de
> > local, a ser posibel con aparcadoiro fácil).
> >
> > NATUREZA
> > --------
> > Hai acordo pleno en que a alternativa a Mancomún non pode ser institucional
> > nin tampouco pode consistir en crear unha nova asociación, ou unha federación
> > de asociacións pola súa complexidade e por que non hai masa crítica para iso,
> > máxime cando Trasno está en pleno proceso constituínte, e máis se cabe cando
> > a cultura da "leiriña" está tan asentada entre nós, e sempre resulta complicado
> > facer cousas conxuntamente. Por tanto non se trataría de crear unha nova
> > persona xurídica, senón un conxunto de recursos comúns que sexan útiles, na
> > liña metodolóxica definida no g11n, compartidos polas distintas personas
> > físicas e xurídicas que conforman a comunidade de localización, partindo dos
> > consensos aceitados por todos que permiten ir aproximando posturas mentres cada
> > quen pode traballar dende o seu recuncho, e onde tanto as asociacións existentes,
> > como grupos de voluntarios, voluntariado individual sen vinculación e demais
> > axentes colaboran de mutuo acordo e por vontade propria. Neste sentido
> > identifícanse os consensos do g11n como punto de partida sólido sobre o que
> > medrar, e por eso o foco debe continuar centrado na galeguización do software.
> > Todo o que veña a maiores, benvido sexa.
> >
> > NOME
> > ----
> > Había varias propostas (Mankomuna, Komuna e outras, con "k" para marcar a
> > indepencia institucional) que foron descartadas en favor de "g11n", máis
> > neutro, menos marcado, como acrónimo de galeguización que xa coñecemos. O motivo
> > é que este é un nome que todas as personas involucradas identifican claramente,
> > está asociado aos consensos actuais, é curto, xa dispoñeríamos de nomes de dominio
> > e de imaxe corporativa -lembrar que o traballo de deseño foi cedido á comunidade
> > con este propósito. Por outra parte tampouco se trata de crear un mancomún-2
> > idéntico, e por que á hora de priorizar os temas relacionados coa língua son os
> > que vemos como máis críticos.
> >
> > RECURSOS
> > --------
> > Os recursos dos que dispoñemos son:
> >
> > - Servidor adicado: sería un servidor Debian contratado pola Ciberirmandade,
> > con tanto espazo en disco e xigas de transferencia como sexa preciso
> > comezando polo mínimo e aumentando baixo demanda, todo elo até o límite
> > que a asociación poida costear por suscripción popular. Trataríase dun
> > servidor independente e separado do da Ciberirmandade que eles manterían
> > en funcionamento pero que sería configurado en función das necesidades
> > definidas pola comunidade. Neste servidor terían cabida as copias de
> > seguranza e os servizos "gráficos" como foros, buscador terminolóxico,
> > glosario, wikis, webs, e demais posibilidades que se acorden. Este servidor
> > ten as funcionalidades estándar dos hostings actuais con panel de control,
> > scripts de instalación e similares. Compre sinalar que esta asociación non
> > acepta subvencións, decisión que tomaron para garantir a súa total
> > independencia.
> >
> > - Servidor de emerxencia: trátase do servidor que eu puxen en marcha para
> > respaldar o proceso de desinstitucionalización iniciado en maio (ver
> > diagrama adxunto [1]) fornecendo un repositorio común para todas as traducións,
> > unha rolda de correo (a rolda g11n de mancomún, que sería trasladada aquí)
> > e a xestión dos dominios g11n. Tal como pode verse no cronograma, o proceso
> > de desinstitucionalización estaba planificado para dous anos; posto que era
> > vital manter estes servizos funcionando á marxe das institucións, decidín
> > asumir personalmente e por adiantado o custe de mantenemento deste servidor
> > pois non atopaba outra alternativa para garantir a continuidade das
> > traducións de Mozilla, OpenOffice e GNOME. Unha vez coñecido o ofrecemento
> > da Ciberirmandade, e tras falalo hoxe, optei por donar este servidor, xunto
> > cos dominios rexistrados, como "servidor de emerxencia" que durante os dous
> > próximos anos garantize as comunicacións da comunidade. Transcurrido este
> > tempo decidiríamos conxuntamente qué fazer con eses recursos (igual para
> > ese día inventouse un traductor automático por intelixencia artificial e xa
> > non facemos falta.)
> >
> > ALCANCE
> > -------
> > Despois de examinar o amplo espectro de actividades de Mancomún (observación,
> > formación, difusión, implantación, desenvolvemento, localización e soporte) e
> > contrastalos cos recursos que temos, viuse claro que era preciso priorizar
> > seleccionando aquelo que, resultando de maior importancia, poidamos abarcar.
> > E despois de darlle voltas, chegamos á conclusión de as áreas nas que imos
> > poder aportar son as de desenvolvemento -fornecendo unha copia de seguranza-
> > e a de localización -fornecendo a continuidade dos proxectos de localización.
> >
> > Con respeito a de desenvolvemento (forxa, araos, galinux, golfinho, monifate
> > e demais) enténdese que, pola súa natureza, o protagonismo debe corresponder
> > ás asociacións de linux e ás empresas de enxeñería software que son as que
> > mellor saberán selecionar qué proxectos dos existentes deben ser continuados
> > e cómo facelo. Porén, como non percibimos sinais de actividade deles dende
> > fai meses, compre evitar que pola súa falta de iniciativa desapareza todo o
> > código da rede. Por tanto a acción que se propón tomar é abrir unha conta no
> > servidor adicado para que o personal que aínda queda no CESGA poida programar
> > unha copia de seguranza, que quedaría accesíbel para que no futuro poida
> > reutilizarse o material evitando que se perda.
> >
> > Con respeito a localización, enténdese que hai un problema estructural e un
> > problema crítico. O problema crítico é que desapareza a rolda g11n antes de
> > que fora trasladada ao servidor de emerxencia, en cuxo caso a comunicación
> > -e o proceso de desinstitucionalización- quedaría interrompida, e por eso
> > acción [[ _urxente_ ]] que se propón e facer copia de seguridade da rolda de
> > mancomún e trasladala ao servidor de emerxencia. O problema estructural é a
> > falta de xente, e nesto proponse recuperar a proposta de dorfun [2] no g11n
> > sobre a activación de redes sociais -ou algo similar- de xeito que poidamos
> > atraer o interese de xente próxima ao tema da língua. Pénsase que o sistema
> > de roldas está ben para a xente que leva tempo, pero para a xente nova é
> > necesario algo máis gráfico, ben sexan foros, ben sexa intervindo en
> > facebooks, tuentis e demais, ou se cadra montando unha rede propria. Todo
> > esto habería que ilo concretando, e disporíamos do servidor adicado para
> > hospedalo. Proponse comezar abrindo foros. Lóxicamente habería que poñer en
> > marcha alternativas aos servizos que funcionan en Mancomún ou que haxa que
> > montar e aínda non estén, como unha web terminolóxica e similares, que irían
> > sendo definidos pola comunidade.
> >
> > Ben, faláronse máis cousas, pero o que vemos claro os que estivemos é isto
> > que tratei de reflexar. O próximo mércores xuntámonos para discutir o que se
> > comente até entón; reunión aberta como sempre, en canto teñamos claro o sitio
> > xa avisamos.
> >
> > [1] O cronograma reflexa o meu plan de traballo até 2012. Por suposto cousas
> > como a Ley de Estándares Abertos, o proxecto de Migración da Xunta a SW
> > Libre ou a consolidación do personal contratado no CESGA foron abortadas
> > polo novo goberno, mais a parte referida a g11n sí que sería posibel
> > mantela se queremos. As liñas vermellas son as tarefas "oficiais" a levar
> > a cabo dende Mancomún, as azuis as de comunidade, e as verdes son as miñas
> > iniciativas personais. Usar o zoom para vela completa: as tarefas da
> > parte superior correspóndense coa parte máis oficial, e as de abaixo coa
> > máis comunitaria, como vedes, van sincronizadas.
> >
> > [2] "Nisto Dorfun da Dorfunteca propón aplicar mecánica das redes sociais á
> > comunidade de tradución para mellorar a comunicación interna e para
> > permeabilizarse e que poida participar xente nova" nos consensos do g11n.
> >
> > > Saúdos e veña que vamos,
> > >
> > > >
> > > > > Penso que se logramos definir unha plataforma o suficientemente aberta para
> > > > > que toda esta xente teña cabida, e mesmo para atraer nova xente de cara ao
> > > > > futuro, entón teremos logrado o máis importante. Estou seguro de que o resto
> > > > > irá chegando de forma natural.
> > > > >
> > > >
> > > > Adiante.
> > > >
> > > > --
> > > > ---
> > > > Saúde.
> > > > ......................................................................
> > > > Alexandre Prieto. Vigo-Galiza.
> > > >
> > > > CiberIrmandade da Fala: Por Galiza e a sua lingua propia, colabora
> > > > http://www.ciberirmandade.org
> > > >
> > > > A defensa da lingua da Galiza, tamén na rede
> > > > ......................................................................
> > > >
> > > > _______________________________________________
> > > > G11n mailing list
> > > > G11n en mancomun.org
> > > > http://listas.mancomun.org/mailman/listinfo/g11n
> > >
> > > --
> > > http://susinho.pagina.de/
> > > _______________________________________________
> > > G11n mailing list
> > > G11n en mancomun.org
> > > http://listas.mancomun.org/mailman/listinfo/g11n
> >
> > --
> > http://susinho.pagina.de/
>
>
>
> --
> http://susinho.pagina.de/
>
>
> --
> To unsubscribe, send mail to proxecto-unsubscribe en trasno.net.

--
http://susinho.pagina.de/

A Ciberirmandade ofrece os seus recursos á comunidade

2009-10-07T15:26:00.000-07:00

Como reacción á pasividade da comunidade ante o desmantelamento das iniciativas de promoción do software libre, na Ciberirmandade ábrese un debate. A proposta aceptada foi a de ofrecer recursos á comunidade para que o traballo que se viña facendo en Mancomún puidera continuar fora dos pezuños da Administración. A proposta materialízase nesta mensaxe:

Permitome utilizar como titulo do correo, parte dunha mensaxe enviada por Leandro: "pero non sen guerra pola nosa parte".

Tomo ese titulo para comezar mostrando o meu asombro porque a estas alturas se fale de algo que xa pasou, que xa foi antes do verán, non agora.

Ao longo do mes de xullo houbo unha serie de mensaxes nesta mesma rolda por parte de medulio e mais eu chamando á mobilización, e dende a ciberirmandade tomamos a iniciativa de dar batalla. Consecuencia dese movemento houbo reaccións en chuza, meneame, A Nosa Terra, Codigo Cero, CIG, Galicia Confidencial, Xornal.com, BNG, .. So me consta que Melisa e Agnix reaccionaron publicando unha nova no seu web a este respecto, ao tempo que na rolda dos Guls houbo debate sobre o envio dun correo certificado á Xunta.

A falta de reacción no mundo da traducción desconcertounos a moitos, e á volta do verán, abrimos un debate na ciberirmandade. A proposta aceptada foi a de ofrecer recursos á comunidade para que o traballo que se viña facendo no paraugas de mancomún, puidese seguir dende fora dos pezuños da administración.

Quero deixar aquí, xa que logo, constancia da continuidade da CiberIrmandade no traballo con vistas a un proxecto de futuro serio e independente que manteña o concepto de Mancomún.

Independentemente de como vaian as cousas, quede claro que pola miña parte non vai haber problemas, e por parte da ciberirmandade penso que tampouco (manteremos o ofrecemento do uso das nosas ferramentas a quen as queira utilizar).

Como remate, indicar que os debates na ciberirmandade, do mesmo xeito que vimos facendo nos nosos 13 anos de presenza na Rede (o que nos fai a organización vencellada á lingua máis antiga na mesma), seguen sendo públicos; achego ligazóns a algúns debates sobre isto nos nosos foros:
http://www.ciberirmandade.org/taboleiro/viewtopic.php?f=11&t=3505
http://www.ciberirmandade.org/taboleiro/viewtopic.php?f=5&t=3451
http://www.ciberirmandade.org/taboleiro/viewtopic.php?f=5&t=3450
http://www.ciberirmandade.org/taboleiro/viewtopic.php?f=18&t=3449
http://www.ciberirmandade.org/sitio2009/index.php?option=com_obxetivos&task=acadados&Itemid=15

--
---
Saúde.
......................................................................
Alexandre Prieto. Vigo-Galiza.

CiberIrmandade da Fala: Por Galiza e a sua lingua propia, colabora
http://www.ciberirmandade.org

A defensa da lingua da Galiza, tamén na rede

A Xunta comeza a desmantelar os programas de software libre

2009-10-06T15:24:00.000-07:00

Tras un mes de agosto sen novidades, comezan a confirmarse as malas novas e a Xunta inicia o desmantelamento dos proxectos tecnolóxicos promovidos polo goberno anterior dando paso a un proceso de despedimentos masivos que afecta ás iniciativas de software libre como Mancomún ou a Rede de Dinamización da Sociedade da Información entre outros programas.

Os despidos da Xunta en I+D poden deixar sen servizo a 26.000 persoas

Estes traballadores contribúen a reducir a fenda dixital no rural e a formar a colectivos con dificultades de acceso ás TIC

O pasado 15 de setembro, a Administración iniciou un proceso de rescisión de contratos co despedimento de 14 traballadores do Centro de Referencia e Servizos de software libre (Mancomún) e doutros programas tecnolóxicos, namentras esta semana notificou a uns 120 empregados máis da Fundación Calidade a data de finalización do seu proxecto laboral, o 31 de decembro, segundo confirma a CIG. Todos eles pertencen a iniciativas que impulsara o Goberno bipartito, mentres a Secretaría Xeral de Modernización e Innovación Tecnolóxica, da que dependen os proxectos afectados, aínda non concreta os plans que ten para eles.

Fonte: http://www.xornal.com/artigo/2009/10/01/sociedad/despidos-da-xunta-d-poden-deixar-servizo-000-persoas/2009100123430587661.html

Mobilización social en defensa de Mancomún

2009-07-13T15:23:00.000-07:00

Co lema Pola democracia no software. Pola democracia no idioma iníciase unha mobilización que obtén moi boa acollida na sociedade sendo difundida polos medios e conseguindo un apoio masivo apoio dende a rede. A esta campaña súmanse outras iniciativas de menor repercusión que complementan a campaña lanzada pola Ciberirmandade.

Luns, 13 Xullo 2009 21:30

Todos os gobernos fan unhas cousas mellor e outras peor. O bipartito tivo os seus fallos mais unha das cousas boas que fixeron foi a de lanzar o centro de software libre Mancomún. Durante os últimos anos Mancomún mantivo actualizados en galego os programas informáticos máis usados como o navegador (Firefox) ou a ofirmática (OpenOffice). O Galinux, un sistema operativo para poder ter a computadora completamente en galego tamén foi unha iniciativa de Mancomún.

Durante a campaña eleitoral o Partido Popular prometeu implantar o software libre, pero agora que están na Xunta ameazan con desmantelar Mancomún, e nós queremos evitalo. Se tí tamén queres que Mancomún continúe funcionando, axúdanos sumándote a esta campaña: clica nesta ligazón para enviarlles agora un correo electrónico.

Fonte: http://www.ciberirmandade.org/sitio2009/index.php?option=com_content&view=article&id=916:pola-democracia-no-sotware-pola-democracia-no-idioma&catid=109:novas-da-ciberirmandade&Itemid=129

Poucos días despois lógrase o obxectivo forzando á Xunta a iniciar unha consulta sobre Mancomún,

Obxectivo conseguido: a Xunta inicia consulta sobre Mancomún

Mércores, 29 Xullo 2009 12:06

Xa é oficial: como consecuencia do masivo respaldo á campaña lanzada pola Ciberirmandade da Fala para apoiar a continuidade de Mancomún, a Xunta comprometeuse a convocar de forma inminente unha reunión para analizar o futuro dese centro de referencia dende o que se dinamizou a presenza da nosa lingua no software libre.

Desta maneira, nos últimos días distintas entidades como AGASOL ou as Oficinas de Software Libre Universitarias acusaron xa recibo dunha convocatoria para a reunión que se celebrará o próximo xoves día 30 en Compostela, e na que agardamos poder participar como un axente máis da comunidade galega do software libre.

A Xunta do Partido Popular reacciona así á presión social exercida en apoio da continuidade de Mancomún, concretada no envio masivo de correos, reaccións nas redes sociais, medios de comunicación, conversas con responsabeis políticos e correos postais de grupos de usuarios.

A CiberIrmandade da Fala da por pechada esta campaña, inda sen a confirmación da continuidade de Mancomún, mais coa certeza de que os nosos dirixentes políticos son conscientes do prestixio e do grande apoio social, galego e internacional, que ten o noso centro de referencia de software libre. Queremos agradecer a todas as persoas e organizacións que se involucraron nesta campaña, xa que sen a súa participación no envío de correos e na difusión da información, esta ferramenta para a nosa lingua tería xa data de peche.

Relaciónado:

Desafortunadamente a reunión só servirá para confirmar as ameazas de desmantelamento, producindo únicamente vagas promesas sen ningún tipo de concreción.

Iníciase o proceso de desinstitunacionalización

2009-07-10T15:16:00.000-07:00

Esta mensaxe anuncia o inicio dun proceso de devolución á comunidade dos proxectos xestionados até ese momento polo Centro de Referencia e Servizos de Software Libre de Galiza (Mancomún) identificando os recursos, o personal e as infraestructuras como os factores máis importantes para levalo a cabo.

Boas,

Aplicando os consensos do g11n [1] un dos roles asignados á Administración Pública (personalizada en Mancomún) era a tradución daqueles proxectos que resultaban "problemáticos" ben for por que:

- o voluntariado non estaba interesado en traducilos (caso dos aplicativos sectoriais como ERP, Business Inteligence e demais do DVD da PEME).
- non lle deixaban (caso do Mozilla)
- o proxecto quedaba sen coordenador (GNOME, Debian [2])
- outras problemáticas distintas (caso do OpenOffice [3])

Tras varios anos de traballo chegamos a un punto no que a situación dos tres últimos proxectos (Mozilla, GNOME, OO.org) quedou normalizada. Desaparece por tanto a razón que xustificaba a intervención da administración pública, quecumpriu o seu papel, e compre [4] por tanto proceder á "devolución" deses proxectos ao seu ámbito natural: o do voluntariado. A partir dese momento será decisión do voluntariado admitir ou non e delimitar a intervención da adm. pública e das empresas -ao revés do que viña sucedendo na práctica con ises tres proxectos.

Tras examinar os distintos modelos de licenzamento dos proxectos vencellados, vexo que os aspectos importantes son os seguintes:

- Recursos. Refírome aos TMX, glosarios, manuais e resto de contidos. Neste caso non hai dificuldade: trátase de recursos publicados con licenzas libres de modo que a súa desinstitucionalización limítase a gardar copia e reutilizalos/modificalos/redistribuilos tanto como queiramos.

- Persoal. No meu caso e no caso do personal do CESGA, consiste en que cada un de nós decida se quere seguir colaborando nos proxectos desvinculados da nosa actual relación contractual, ou se deixaremos de fazelo unha vez se extinguidos os contratos. No primeiro caso, basta con pasar a empregar unha conta de correo distinta da corporativa actuando xa en nome propio, e no segundo compre avisar nesta rolda para que alguén poida ocupar o posto vacante. No meu caso xa adianto que estou no primeiro caso, polo que en breve deixarei de falar a eses efectos como coordenador de mancomún, se ben adianto tamén que non teño intención de monopolizar os procesos, polo que delegarei en quen teña interese en asumilo.

- Infraestructuras. Aquí desinstitucionalizar significa externalizar nalgunha organización que actue á marxe dos cambios de cor política dos gobernos de turno e que sexa capaz de asumir o mantenemento dos servizos que identifiquemos como críticos para a continuidade dos proxectos de l10n.

Creo que con estes aspectos quedan sinalados os aspectos fundamentais do proceso de desinstitucionalización, polo menos para darlle inicio a unha posta en común que nos sirva para concretalo.

Por último: un risco real, e que penso deberíamos evitar, é que acabe o presente e con él os actuais convenios aos que está vencellado o personal e as infraestructuras sobre as que funcionamos, sin que por parte da comunidade se asumira de forma efectiva a continuidade de alomenos eses tres proxectos de localización.

En todo caso, todo esto é unha visión personal das cousas que podería ser percibida de outra forma por outra xente.

Queda aberto o debate.

--

[1] http://wiki.mancomun.org/index.php/G11n#Consensos_do_encontro
[2] Tamén Debian está neste caso, mais non asumiu Mancomún esa tradución.
[3] http://softlibre.barrapunto.com/article.pl?sid=05/11/08/1816232&mode=thread
[4] Esta situación ademais cadra cun contexto de cambio político que podería ocasionar a desmantelación de Mancomún, tal como están a reflexar as últimas novas, polo que a conveniencia desta devolución podería ser vista mesmo como unha necesidade: non debería depender a galeguización do software da cor política do goberno de turno.
[5] Confío en que para os aspectos económicos e sociais prevaleza o sentido común de todos e todas nós, non en vano hai proxectos empresariais e postos de traballo en xogo.

--
Xesús Manuel Benítez Baleato Coordenador
Centro de Referéncia e Servizos de Software Libre http://www.mancomun.org
Praza de Europa, nº 15A, 6ºC 15707 Santiago de Compostela (Galiza/ ES)
Tel/ Fax: (0034) 981 957 867/ 881 999 113 <suso.baleat
Fonte: http://listas.mancomun.org/pipermail/g11n/2009-July/002228.html

A Xunta ameaza con desmantelar Mancomún

2009-07-09T15:21:00.000-07:00

Dende a Ciberirmandade alertan de que a Xunta ameaza con desmantelar Mancomún. A nova difúndese rápidamente por toda a rede e comezan xurdir iniciativas para evitar que todo o traballo feito se perda.

Acaba de ser publicada a folla de ruta tecnolóxica da Xunta do Partido Popular e todo parece confirmar os peores agoiros que ameazaban os proxectos tecnolóxicos iniciados polo bipartito. Iniciativas tan positivas como Mancomún, Galinux ou a Rede de Dinamización quedan condenadas a desaparecer unha vez que o PEGSI sexa derogado polo novo "Plan Estratéxico Global" que se licitará neste mes de xullo. A falta de compromiso co software libre contrasta coas adxudicacións multimillonarias feitas a Microsoft e autorizadas polo PP hai pouco.

Fonte: http://www.ciberirmandade.org/sitio2009/index.php?option=com_content&view=article&id=908:a-xunta-ameaza-con-desmantelar-mancomun&catid=92:novas-dos-usuarios-e-usuarias&Itemid=130